Pages

2013, സെപ്റ്റംബർ 23, തിങ്കളാഴ്‌ച

ആത്മമിത്രമേ..........................................................കവിത

നിന്റെ സൗഹൃദത്തിന്റെ ലീവ് വേക്കന്‍സിയിലായിരുന്നു ഞാനെത്തിയത്

സമയം കഴിഞ്ഞു, ആ പോസ്റ്റിലെ യഥാര്‍ത്ഥയാള്‍ തിരിച്ചെത്തി

നീയെന്നെ പിരിച്ചു വിട്ടു എന്തായിരുന്നു എന്റെ  വേതനം?

ഇറുക്കിക്കൊല്ലുന്ന ഈ തീരാവേദനയോ..?

ആത്മമിത്രമേ, നീയറിഞ്ഞില്ല, എത്ര ചെമന്നാണ്

എന്റെ  ഹൃദയം നിന്നെ പ്രണയിച്ചതെന്ന്...

എത്ര രോഗാതുരമായിരുന്നു ആ ഉരുക്കത്താല്‍ ഞാനെന്ന്

അതെന്നെ ഒരുപ്പേരിക്കായി കഷ്ണിച്ചു കൊണ്ടേയിരിക്കുന്നു

കഴിഞ്ഞ ജന്മം ഞാന്‍ നിന്റെ  ശത്രുവായിരുന്നുവോ

ഇഞ്ചിയെന്നോണം ഇങ്ങനെ ചതയ്ക്കാന്‍..

എന്തായിരുന്നു കാരണം ഈ വലിച്ചെറിയലിന്

എഴുപതാംപടവ് കയറുമ്പോഴും ഈ വിഡ്ഢി ഇങ്ങനെത്തന്നെയാവും

സ്‌നേഹത്തിന്റെ  വണ്‍വേ റോഡിലൂടെ ആര്‍ക്കും വേണ്ടാത്ത ജന്മവുമായി

ദുഃഖത്തിന്റെ  ഭീമന്‍ തേരുമുരുട്ടി .....   

അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ